راولپنڈی (این این آئی)سینئر اداکار جان ریمبو نے کہا ہے کہ اہلیہ صاحبہ کی اپنے والد سے پہلی ملاقات میں میرا ہلکا سا ہاتھ تھا۔ پوڈ کاسٹ میں گفتگو کرتے ہوئے افضل خان نے کہاکہ اہلیہ کی حقیقی والد سے زندگی میں ہونے والی پہلی ملاقات کے پیچھے میرا ہی ہلکا سا ہاتھ تھا۔انہوں نے بتایا کہ میرے سسر کا جب مجھ سے رابطہ ہوا تو انہوں نے بتایا کہ وہ صاحبہ سے ملنے کی 2 سے 3 بار کوشش کر چکے ہیں لیکن بیٹی کا سامنا کرنے کی ہمت نہ ہونے کی وجہ سے ناکام رہے۔ انہوں نے بتایا کہ جب مجھے یہ پتہ چلا کہ میرے سسر خود چاہتے ہیں کہ وہ اپنی بیٹی سے ملیں تو پھر میں نے صاحبہ کو بتایا کہ آپ کے والد آپ سے ملنا چاہتے ہیں تو وہ کہنے لگیں کہ میں تو ان سے پہلے کبھی ملی ہی نہیں تو اب ان سے مل کر کیا بات کروں گی؟۔ریمبو نے بتایا کہ صاحبہ نے اپنے والد سے ملاقات کیلئے خود کو ذہنی طور پر تیار کرنے میں پورا ایک ہفتہ لگایا۔
