رتو ڈیڑو (این این آئی)چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ پانی ہر کسی کا بنیادی حق ہے، عوام سیاسی قائدین کی طرف دیکھ رہے ہیں،عوام معاشی طور پر اور امن امان کی صورتحال سے پریشان ہیں، عوام سیاسی قائدین کو طرف دیکھ رہے ہیں، عوام چاہتے ہیں کہ انا کی سیاست چھوڑ کر سیاستدان مل کر کام کریں،کالاباغ ڈیم بھی یک طرفہ فیصلہ تھا، جس پر ہم نے عملدرآمد نہیں ہونے دیا، یک طرفہ کسی بھی فیصلے پر عملدرآمد نہیں ہوسکتا
پریس کانفرنس کے دوران بلاو بھٹو زرداری نے کہا کہ پیپلز پارٹی نے ہمیشہ عوام کے مسائل کو حل کرنے کی کوشش کی ہے، بینظیر بھٹو کے منشور کے تحت آگے بڑھ رہے ہیں۔انہوں نے کہا کہ عوام معاشی طور پر اور امن امان کی صورتحال سے پریشان ہیں، عوام سیاسی قائدین کو طرف دیکھ رہے ہیں، عوام چاہتے ہیں کہ انا کی سیاست چھوڑ کر سیاستدان مل کر کام کریں۔پی پی پی چیئرمین نے کہا کہ محسوس ہو رہا ہے کہ چھوٹے صوبوں کے ساتھ وفاق کا رویہ اچھا نہیں رہتا، ہم نے حکومت سازی میں وزیر اعظم کے لیے ان کو ووٹ دیا۔انہوںنے کہاکہ ہم نے طے کیا تھا کہ چاروں صوبوں کا ترقیاتی بجٹ مل کر بنائیں گے، ارسا معاہدے کی خلاف ورزی پر کسی منصوبے پر آگے بڑھیں گے تو ایسے منصوبے متنازع ہوتے ہیں۔بلاول بھٹو زرداری نے کہا کہ کالاباغ ڈیم بھی یک طرفہ فیصلہ تھا، جس پر ہم نے عملدرآمد نہیں ہونے دیا، یک طرفہ کسی بھی فیصلے پر عملدرآمد نہیں ہوسکتا۔انہوں نے کہا کہ پاکستان میں کسی بھی حکومت سے کام نکالنا ہو تو بڑا مشکل ہوتا ہے، مجھے بھی تھوڑا بہت تجربہ ہو گیا ہے، میں کام نکلواں گا، اب بھی ہم محدود وسائل کے تحت ڈیلیور کرنے کی کوشش کریں گے۔پی پی چیئرمین نے کہا کہ کاغذات کی حد تک بہتر معیشت نظر آ رہی ہے اس کو خوش آمدید کہتے ہیں، اگر معاشی بہتری آ رہی ہے تو اس کا فائدہ عوام تک پہنچنا چاہیے۔انہوںنے کہاکہ ہماری نسل کیلئے انفرااسٹرکچر ڈیجیٹل، انٹرنیٹ اور اس کی اسپیڈہے، اب بھی ہم محدود وسائل کے تحت ڈیلیور کرنے کی کوشش کریں گے۔بلاول بھٹو زرداری نے کہا کہ ان کی سیاست موٹر وے سے شروع ہوتی ہے او وہیں ختم ہو جاتی ہے، موٹروے 1990 کی دہائی کا انفرا اسٹرکچر تھا۔انہوں نے کہا کہ ہماری نسل کیلئے انفرااسٹرکچر ڈیجیٹل، انٹرنیٹ اور اس کی اسپیڈہے، ہم نے انٹرنیٹ کی اسپیڈ کم کرنے کی بجائے اس کو تیز کرنا تھا۔پی پی پی چیئرمین نے کہا کہ پاکستان کے انٹرنیٹ کیبل میں ایسا کیا ہے کہ سمندر میں مچھلی یہی کیبل کاٹ لیتی ہے۔انہوںنے کہاکہ کبھی کہتے ہیں ہماری تار کٹ گئی ہے کبھی کہتے ہیں نہیں کٹی، کیا سمندر کی مچھلیاں صرف پاکستان کی کیبل کاٹتی ہیں؟۔