اسلام آباد (این این آئی)پارلیمانی سیکرٹری برائے اطلاعات و نشریات بیرسٹر دانیال چوہدری نے کہا ہے کہ قوم نے پی ٹی آئی کے نفرت انگیز بیانئے کو واضح طور پر مسترد کردیا ہے،عوام پر اب پی ٹی آئی کے انتشاری ہتھکنڈوں کا کوئی اثر نہیں ہوتا، ملک آگے بڑھ رہا ہے ،حکومتی کوششوں کے مثبت نتائج سامنے آرہے ہیں،پی ٹی آئی کی ملک میں افراتفری ، انتشار پھیلانے ،ترقی میں خلل ڈالنے کی خواہش پوری نہیں ہو گیمسلم لیگ (ن) کی قیادت میں ملک آگے بڑھ رہا ہے۔ نجی ٹی وی سے گفتگو کرتے ہوئے بیرسٹر دانیال چوہدری نے کہا کہ مسلم لیگ (ن) کی قیادت نے پی ٹی آئی کے نفرت انگیز بیانیے کو پیچھے چھوڑتے ہوئے پاکستان کو کامیابی کے ساتھ ترقی اور استحکام کی راہ پر گامزن کیا ہے۔ انہوں نے پی ٹی آئی کی ملک میں انتشاری ہتھکنڈے استعمال کرتے ہوئے نفرت، افراتفری اور عدم استحکام پھیلانے کی مذمت کی۔ بیرسٹر دانیال چوہدری نے کہا کہ پاکستان ترقی کی راہ پر گامزن ہو گیا ہے اور پی ٹی آئی کا انتشاری بیانیہ عوام نے مسترد کر دیا ہے ،ملک آگے بڑھ رہا ہے اور حکومت کی کوششوں کے مثبت نتائج سامنے آرہے ہیں۔ انہوں نے کہا کہ پی ٹی آئی کی ملک میں افراتفری ، انتشار پھیلانے اور ملک کی ترقی میں خلل ڈالنے کی خواہش پوری نہیں ہو گی۔بیرسٹر دانیال چوہدری نے9 مئی کے واقعات کی شدید مذمت کی ۔پارلیمانی سیکرٹری اطلاعات و نشریات نے خیبر پختونخوا میں پی ٹی آئی کی 11 سالہ حکومت کو تنقید کا نشانہ بناتے ہوئے کہا کہ وہاں کی حکومت عوام کو ریلیف فراہم کرنے میں مکمل طور پر ناکام ہو گئی ہے۔انہوں نے کہا کہ پی ٹی آئی کی سیاست ختم ہو چکی ہے، پی ٹی آئی یہاں پرعام لوگوں کے بچوں کو اپنے مفادات کے لیے استعمال کر رہی ہے جبکہ بیرون ملک بانی پی ٹی آئی کے بچوں کا تحفظ کر رہی ہے۔ دانیال چوہدری نے ملک کو دوبارہ پٹری پر لانے کے لئے وزیر اعظم کی کوششوں کو سراہا۔ انہوں نے مریم نواز کے پنجاب کے لیے وژن کو سراہا جہاں وہ ترقی و خوشحالی کے نئے دور کا آغاز کرنا چاہتی ہیں۔
