اسلام آباد(این این آئی)پی ٹی آئی رہنما شیر افضل مروت نے کہاہے کہ 190ملین پاؤنڈ ریفرنس میں بانی کو سزا ہوسکتی ہے ۔ایک انٹرویومیں شیر افضل مروت نے کہاکہ190 ملین پاؤنڈ ریفرنس کیس کا ٹرائل ایک سال میں مکمل ہوا ہے، بانی کی سزا کا اثر مذاکرات پر نہیں پڑنا چاہئے۔پی ٹی آئی رہنما نے کہا کہ کچھ لوگ مذاکرات کرنے میں سنجیدہ نہیں ہیں، مجھے مذاکرات سے متعلق بیان دیے ہوئے کئی گھنٹے ہوگئے، علی محمد خان، شہریار آفریدی نے میرے بیان کی تائید کی ہے۔انہوںنے کہاکہ یہ لوگ ہمارے درمیان بھی ہوسکتے ہیں اوران کے بیچ بھی، یہ لوگ کسی کو فائدہ نہیں دے سکتے صرف انتشار پھیلا سکتے ہیں۔انہوں نے کہاکہ قیادت کو کمپرومائزڈ کہنے والوں کی کوئی اوقات نہیں ہے، بانی نے مذاکرات کیلئے مذاکراتی کمیٹی بنا دی ہے۔
