اسلام آباد (این این آئی)پاکستان سپر لیگ (پی ایس ایل)10 سے متعلق روزانہ کی بنیاد پر اجلاس اور مشاورت شروع کر دی گئی ۔ذرائع کے مطابق پی ایس ایل 10 کی کیٹیگریز کو حتمی شکل دینے کے اجلاس ہوا، پہلے مرحلے میں پلاٹینم کیٹیگری کے لیے کھلاڑیوں کے ناموں پر غور کیا گیا۔ذرائع کے مطابق پلاٹینم کیٹیگری کیلئے شاہین شاہ آفریدی، فخر زمان، حارث روف، بابر اعظم اور صائم ایوب کے نام سامنے آئے۔ذرائع کے مطابق اجلاس میں پلاٹینم کیٹیگری کیلئے محمد عامر، شاداب خان، نسیم شاہ، عماد وسیم، محمد رضوان اور اسامہ میر کے نام بھی زیر غور آئے ہیں۔ذرائع کے مطابق پی ایس ایل 10 کیلیے باقی کیٹیگریز اور دیگر کھلاڑیوں کا معاملہ ریویو کمیٹی اور سلیکشن پینل کے سپرد ہوگا اور یہ کام آئندہ ہفتے مکمل کرلیا جائے گا۔
