لاہور(این این آئی)پاکستان کے سابق وکٹ کیپر کامران اکمل نے کہا ہے کہ فیوڑن ماڈل پر چیمپئنز ٹرافی ہونی ہی نہیں چاہیے۔نجی ٹی وی سے گفتگو کرتے ہوئے انہوں نے کہا کہ فیوژن ماڈل پاکستان کی جیت ہے یا ہارمیں ضرور سوچوں گا فیوڑن ماڈل منظور کرکٹ کی جیت نہیں ہوئی، میرے خیال سے یہ دونوں ملکوں کے عوام کی ہار ہے کیونکہ دنیا کا سب سے بڑا میچ پاکستان اور بھارت کا ہوتا ہے۔کامران اکمل نے کہا کہ پاکستان کرکٹ بورڈ کے بیانات پر فخر کرنا چاہیے پی سی بی نے اس بار سخت مؤقف اپنایا ہے، محسن نقوی چیئرمین رہے تو اور چیزیں بہتر کریں گی۔ان کا کہنا تھا کہ خوشی ہوگی کہ بھارت یاپاکستان پوریٹورنامنٹ کی میزبانی کرے جوخطے کے لئے بہتر ہو اس کے لئے کام کرنا چاہیے۔ذرائع کا بتانا ہے کہ 2026 کے ٹی 20 ورلڈ کپ پاکستان بھارت نہیں جائے گا اور میچز کولمبو میں ہوں گے۔آئی سی سی چیئرمین جے شاہ بھی آسٹریلیا سے ورچوئل میٹنگ میں شامل ہوں گے، پاکستان کو 2027 کے بعد خواتین کی ا?ئی سی سی ٹورنامنٹ کی میزبانی ملنے کا امکان ہے۔
