اسلام آباد(این این آئی)مشیروزیر اعظم رانا ثناء اللہ نے کہاہے کہ اسلام آباد میں چڑھائی کی گئی، مسلح جتھے میں 20ہزار کے قریب لوگ تھے۔ نجی ٹی وی کے پروگرام میں گفتگو کرتے ہوئے رانا ثناء اللہ نے کہا کہ جو لوگ حملے میں ملوث تھے انکے خلاف وزیر اعظم نے ٹاسک فورس کے قیام کا کہا ہے۔ انھوں نے کہاکہ جب پی ٹی آئی والے صوابی سے چلے پوری دنیا نے دیکھا مسلح تھے،بانی پی ٹی آئی ڈی چوک میں بند تھے جو وہاں آکر چھڑوانا تھا۔ رانا ثناء اللہ نے کہا کہ ڈی چوک میں رات 10بجے تک ان لوگوں نے فائرنگ کی، جواب میں ربڑ کی بلٹ فائر کی گئی۔ انھوں نے کہاکہ اسلام آباد پر مسلح جتھوں کے ذریعہ چڑھائی گئی، مسلح افراد کس مقصد کیلئے آئے تھے، جہاں روکا گیا وہاں انہوں نے فائرنگ کی،دارالحکومت پر مسلح ہو کر حملہ کرنا کیا جرم نہیں؟، صوابی سے کرائوڈ چلا ہے تو دنیا نے دیکھا کہ یہ لوگ مسلح تھے۔ انھوں نے کہاکہ جنازے کی تلقین کر کے آنا کس مقصد کیلئے تھا؟ کیا ان کا لیڈر ڈی چوک پر بند تھا جو انہوں نے چھڑوانا تھا۔ رانا ثناء اللہ نے کہاکہڈی چوک پر ان کے لوگ رات دو بجے تک فائرنگ کرتے رہے ہیں، احتجاج کے دوران 71لاانفورسمنٹ ایجنسز کے لوگ زخمی ہوئے ہیں۔
