بیجنگ(این این آئی)ایسٹرن تھیٹر کمانڈ کی فضائیہ کے ترجمان کرنل زاو جون نے کہا ہے کہ منگل کو امریکی فوج کا ایک اینٹی سب میرین گشتی طیارہ P-8Aآبنائے تائیوان سے گزرا ۔ چینی پیپلز لبریشن آرمی کی ایسٹرن تھیٹر کمانڈ نے اس پورے عمل کے دوران امریکی طیارے کی ٹریکینگ اور نگرانی کے لیے بحری اور فضائی افواج کو منظم کیا اور موثر طریقے سے اس سے نمٹا۔ ترجمان نے کہا کہ امریکہ کے اس حوالے سے ریمارکس قانونی اصولوں کو مسخ کرتے ہیں ،عوام کو الجھن میں ڈالتے ہیں اور بین الاقوامی برادری کو گمراہ کرتے ہیں۔ انہوں نے کہا کہ ہم امریکہ پر زور دیتے ہیں کہ وہ صورتحال کو توڑ مروڑ کر پیش کرنا بند کرے اور مشترکہ طور پر علاقائی امن و استحکام کی حفاظت کرے۔
