کراچی (این این آئی) سمندری طوفان بیپر جوائے کے پیش نظر ہاکس بیجانے والی سڑکیں کنٹینرز لگا کر بند کردی گئیں۔تفصیلات کے مطابق ہاکس بے جانے والی تمام شاہراہوں پر پولیس اور رینجرز اہلکار تعینات کردیئے گئے ہیں ساتھ ہی لائف گارڈز اور ریسکیو ٹیمیں بھی موجود ہیں۔
پولیس حکام کا کہنا ہے کہ ہاکس بے جانے والے شہریوں کو ماڑی پور چیک پوسٹ سے واپس بھیجا جارہا ہے۔حکام نے واضح کیا ہے کہ خلاف ورزی کرنے والے شہریوں کے خلاف قانونی کارروائی کی جائے گی، چھوٹی گلیوں کو بھی کنٹینر لگا کر بند کیا گیا ہے۔
