غزہ (این این آئی)غزہ میں جنگی جرائم پر عالمی عدالت انصاف نے اسرائیلی وزیراعظم بن یامین نیتن یاہو کے وارنٹ گرفتار جاری کر دیئے ۔غیر ملکی میڈیا کے مطابق عالمی عدالت انصاف نے غزہ میں 8اکتوبر 2023ء سے 20مئی 2024ء تک غزہ میں جنگی جرائم کے مرتکب اسرائیلی وزیراعظم بنجمن نیتن یاہو اور وزیر دفاع یوو گیلنٹ کے وارنٹ گرفتاری جاری کرتے ہوئے کہا ہے کہ اس بات پر یقین کرنے کی مناسب بنیادیںموجود ہیں کہ دونوں افراد نے جان بوجھ کر غزہ کی شہری آبادی کو خوراک، پانی، اور ادویات اور طبی سامان کے ساتھ ساتھ ایندھن اور بجلی سے محروم رکھا جو کہ شہریوں کی بقا کے لیے ناگزیر ہیں۔عدالت نے دائرہ اختیار سے متعلق 2اسرائیلی کیسز کو بھی مسترد کرتے ہوئے کہا کہ اسرائیل کی طرف سے عدالت کے دائرہ اختیار کو قبول کرنے کی ضرورت نہیں ہے کیونکہ عدالت فلسطین کے علاقائی دائرہ اختیار کی بنیاد پر اپنا دائرہ اختیار استعمال کر سکتی ہے۔عالمی فوجداری عدالت نے حماس رہنماء محمد دیف کے بھی وارنٹ گرفتاری جاری کردیئے۔
