لاہور(این این آئی)انسداد دہشتگردی عدالت لاہور نے بانی پی ٹی آئی عمران خان کی نو مئی کے حوالے سے درج 8مقدمات میں ضمانتوں کی جلد سماعت کی متفرق درخواست منظور کرلی ہے۔اے ٹی سی نے بانی پی ٹی آئی کی درخواست ضمانت کو 23نومبر کے لیے مقرر کردیا ہے، اس سے قبل بانی پی ٹی آئی کی درخواست ضمانتوں پر کارروائی 30نومبر کو ہونا تھی۔عدالت نے بانی پی ٹی آئی کے وکلا اور پراسیکیوشن کو حتمی دلائل کے لیے 23نومبرکو طلب کر لیا ہے۔بانی پی ٹی آئی پر لاہور میں نو مئی کے کل 12مقدمات درج ہیں، ان کی چار مقدمات میں ضمانتیں منظور ہوچکی ہیں۔
