ابوظہبی (این این آئی)متحدہ عرب امارات کے نئے فری زون عجمان نیو وینچرز سینٹر نے اپنے حالیہ قیام کے بعد سے صرف دو ماہ کے کم عرصے میں 450 سے زائد کمپنیوں کو اپنی طرف متوجہ کرلیا۔امریکی ٹی وی کے مطابق متحدہ عرب امارات اپنی کم ٹیکسیشن، آزادانہ ضوابط، تحفظ، لگژری لائف اسٹائل، اور طویل مدتی رہائش کے لیے گولڈن ویزا پروگرام کے ذریعے براہ راست غیر ملکی سرمایہ کاری(ایف ڈی آئی ) اور کمپنیوں کو راغب کر رہا ہے۔اس حوالے سے عجمان نیو وینچرز سنٹر فری زون کے سی ای او رشی سومیا نے کہا کہ ہم نے ابتدائی دو ماہ میں نمایاں کامیابی حاصل کی ہے، جس میں مختلف شعبوں میں 450 سے زائد کمپنیوں کو راغب کرنا بڑی کامیابی میں شامل ہے۔ جبکہ امارات میں تقریبا 47 سے 48 فری زونز موجود ہیں جن پر بھی ہماری توجہ مرکوز ہے۔
