راولپنڈی(این این آئی)سیکیورٹی فورسز نے جنوبی وزیرستان میں آپریشن کے دوران 4خوارج کو ہلاک کردیا۔آئی ایس پی آر کے مطابق جنوبی وزیرستان کے علاقے سرواکئی میں خوارج کی موجودگی کی خفیہ اطلاعات پر آپریشن کیا، جس کے دوران 4خوارج مارے گئے۔آئی ایس پی آر کے مطابق علاقے میں موجود ممکنہ دیگر خوارج کے خاتمے کیلئے کلیئرنس آپریشن جاری ہے۔آئی ایس پی آر نے کہاکہ سیکیورٹی فورسز ملک سے دہشتگردی کی لعنت کے خاتمے کیلئے پرعزم ہیں۔
