اسلام آباد (این این آئی) وفاقی وزیر برائے میری ٹائم افیئرز قیصر احمد شیخ، نے پاکستان کی بلیو اکانومی کو مضبوط بنانے کے لیے اسٹریٹجک شراکت داری پر زور دیاہے۔جمعرات کو وفاقی وزیر نے نیشنل انسٹیٹیوٹ آف میری ٹائم افیئرز کا دورہ کیا ۔وفاقی وزیر قیصر احمد شیخ نے دورہ کے دوران میری ٹائم پالیسی کی تشکیل، تحقیق کرنے اور پاکستان کے بحری مفادات کو آگے بڑھان ے میں این آئی ایم اے کے کردار کے بارے میں تفصیلی بریفنگ حاصل کی۔ بریفنگ میں اس بات پر زور دیا گیا کہ پاکستا نی سمندری معیشت اس وقت ملکی جی ڈی پی کے 0.2 فیصد سے بھی کم نمائندگی کرتی ہے جو کہ 8-10 فیصد کے عالمی معیار کے بالکل برعکس ہے۔این آئی ایم اے کی حکومتی، قومی اور بین الاقوامی شراکت داروں کے ساتھ جاری شراکت داری کو بھی بحری شعبے میں ترقی کو تیز کرنے کے لیے ضروری قرار دیا گیا۔ بریفنگ میں بلیو اکانومی کے مختلف پہلوں کے بارے میں مختلف امکانات کی تلاش کا جائزہ لیا گیا اور ملک کے سمندری وسائل کو بروئے کار لانے کے لیے ایک مربوط قومی ایکشن پلان کی فوری ضرورت کی نشاندہی کی گئی۔ وزیر نے میری ٹائم کے تمام شعبوں میں پائیدار ترقی کے لیے مستقبل کا روڈ میپ قائم کرنے کے لیے وزارت بحری امور اور این آئی ایم اے، اور دیگر میری ٹائم اسٹیک ہولڈرز کے درمیان مربوط کوششوں کی اہمیت پر زور دیا۔وفاقی وزیر نے پاکستان کی بحری معیشت کو آگے بڑھانے کے اپنے عزم کا اعاد کیا اور اس ضمن میں این آئی ایم اے کو بحری میشت میں پیش رفت کے مشن کو حاصل کرنے میں اپنے مکمل تعاون کا یقین دلایا اور اس بات پر زور دیا کہ باہمی تعاون کا وژن عالمی میری ٹائم ڈومین میں پاکستان کے موقف کو مضبوط بنانے میں معاون ثابت ہوگا۔