لاہور(این این آئی)سابق کپتان قومی کرکٹ ٹیم شاہد آفریدی کا کہنا ہے کہ محمد رضوان کے کپتان بننے پر خوشی ہوئی ہے۔میڈیا سے گفتگو کرتے ہوئے انہوں نے کہا حکمت عملی،مثبت توانائی اور جذبیوالا کپتان اگرچاہیے تو وہ رضوان ہے،امید کرتا ہوں محمد رضوان اپنی ذمہ داری بہتر طریقے سے نبھائیں گے اورکرکٹ کی بہتری کیلئے اچھا کام کریں گے۔فخرزمان سے متعلق انہوں نے کہا کہ وہ ہمیشہ میچ ونر رہے ہیں،کرکٹ بورڈ کو فخرزمان کی صلاحیتوں سے فائدہ اٹھاناچاہیے۔فخرزمان نے ہمیشہ سیریز اور میچز میں ہمیں فتوحات سے ہمکنار کیا ہے۔
