کراچی (این این آئی)اداکارہ ومیزبان نادیہ خان نے انکشاف کیا ہے کہ اداکارہ میرا یوٹیوب چینل بنانے کیلئے پیسوں کی پیشکش کی تھی۔ نجی ٹی وی پروگرام میں گفتگو کرتے ہوئے اداکارہ نادیہ خان نے بتایا کہ میرا اداکارہ میرا کیساتھ پرانا ساتھ ہے ،میں نے ان کی زندگی میں کئی اتار چڑھا دیکھے، ان کے بہت سے انٹرویوز بھی کیے ہیں، وہ بہت مزے کی ہیں، جب بھی شوز میں آتی ہیں کچھ نا کچھ لازمی ہوتا ہے۔نادیہ نے بتایا کہ ابھی کچھ روز قبل وہ مجھے ترکی میں ملیں اور مل کر رونے لگیں، مجھے ان کا کچھ نہیں پتا ہوتا کہ وہ کب کیا کردیں۔انہوں نے کہا کہ اس سے قبل ایک ملاقات میں میرا نے مجھ سے کہا میں تمہیں 10لاکھ روپے دوں گی تم میرا یوٹیوب چینل بنا دوجس پر میں نے کہا کہ ویسے ہی بنا دوں گی تو انہوں نے اصرار کیا کہ نہیں میں تمہیں دوں گی 10لاکھ روپے تم نے زبردست چینل بنا کے دینا ہے۔
