اسلام آباد(این این آئی)نیشنل سائبر کرائمز اینڈ انویسٹی گیشن ایجنسی کے قوانین منسوخ کر دئیے گئے، اختیارات ایف آئی اے سائبر کرائم ونگ کو منتقل کر دئیے گئے۔ ذرائع کے مطابق نیشنل سائبر کرائم اینڈ انویسٹی گیشن ایجنسی قوانین کو اسٹرکچر نامکمل ہونے کے باعث منسوخ کیا گیا،اسٹرکچر مکمل ہونے پر نیشنل سائبر کرائم اینڈ انویسٹی گیشن ایجنسی قوانین کو دوبارہ فعال کر دیا جائے گا۔ ذرائع کے مطابق نیشنل سائبر کرائمز اینڈ انویسٹی گیشن ایجنسی کے اختیارات ایف آئی اے سائبر کرائم ونگ کو منتقل کر دئیے گئے ہیں۔ ذرائع کے مطابق نیشنل سائبر کرائم اینڈ انویسٹی گیشن ایجنسی میں آنے والے کیسز بھی ایف آئی اے سائبر کرائم ونگ کو منتقل کر دئیے گئے۔ ذرائع کے مطابق ایف آئی اے سائبر کرائم ونگ کو سوشل میڈیا پر ہونے والے جرائم کے خلاف کارروائی کا اختیار مل گیا۔ ذرائع کے مطابق نیشنل سائبر کرائم اینڈ انویسٹی گیشن ایجنسی 2023میں سوشل میڈیا جرائم کی روک تھام کیلئے قائم کی گئی تھی۔ ذرائع کے مطابق مستقل ڈی جی، افرادی قوت، تھانوں اور عدالتوں کا قیام نہ ہونے کے باعث ایجنسی قوانین منسوخ کیے گئے۔