اسلام آباد (این این آئی)وزیرِ اعظم شہباز شریف کے کوآرڈینیٹر رانا احسان افضل نے کہا ہے کہ اب کوئی کنفیوژن نہیں، صدرِ مملکت نے توثیق کر دی، جسٹس یحییٰ آفریدی ہی چیف جسٹس ہوں گے۔ایک انٹرویومیں رانا احسان افضل نے کہا کہ غلط کیا ہوا ہے؟ کیا پارلیمنٹ نے دو تہائی اکثریت سے آئینی ترمیم نہیں کی؟انہوں نے کہا کہ پی ٹی آئی بھی جے یو آئی کے ذریعے آئینی ترمیم میں ان پٹ دیتی رہی ہے، کسی کو اعتراض ہے تو درخواست دائر کریں، آئینی بینچ سن کر فیصلہ کر دے گا۔رانا احسان نے کہا کہ نہیں لگتا کہ کوئی وکلاء تحریک شروع ہونے جا رہی ہے، ہم وکلاء کو معاملے پر انگیج کر رہے ہیں۔وزیرِ اعظم شہباز شریف کے کوآرڈینیٹر نے کہا کہ اچھا ہوتا اگر تحریکِ انصاف کمیٹی میں آ کر اپنا موقف دیتی۔