ملزمان نے جعلسازی سے کاغذات تیار کرکے لڑکی سے جھوٹا نکاح بھی کیا،جنسی درندگی کی ویڈیوز بناکر دھمکیاں دیتے رہے
لاہور ( این این آئی) صوبائی دارالحکومت کے علاقے شاد باغ میں جعلی پیر نے ساتھی کے ساتھ ملکر نوجوان ذہنی مریض لڑکی کو اجتماعی زیادتی کا نشانہ بنا ڈالا،واقعے کا مقدمہ متاثرہ خاتون کی مدعیت میں مقدمہ درج کرلیا گیا جس میں خاتون سمیت تین افراد کو نامزد کیا گیا ہے۔مقدمے میں لکھا گیا ہے کہ ملزمان نے لڑکی سے مختلف حیلے بہانوں سے 18لاکھ روپے سے زائد مالیت کا سونا اور موبائل بھی ہتھیائے اور جعلسازی سے کاغذات تیار کرکے لڑکی سے جھوٹا نکاح بھی کیا۔ملزم جاوید اور اسکے ساتھی اصغر نے لڑکی کو دم کرنے کے بہانے زیادتی کا نشانہ بنایا اور جنسی درندگی کی ویڈیوز بناکر اسے وائرل کرنے کی دھمکیاں دیتے رہے۔پولیس کے مطابق متاثرہ لڑکی نفسیاتی مریض ہے، جسے والدین دم کروانے کے لئے جعلی پیر کے پاس لے کر گئے تھے۔ پولیس نے مقدمہ درج کر کے ملزمان جاوید، اصغر اور ساجدہ کے خلاف مقدمہ درج کر کے کاروائی اور گرفتاری کے لئے ٹیمیں تشکیل دے دیں۔