ایسا انسان نہیں کہ دوسری شادی کے بارے میں سوچوں،شعیب اختر

راولپنڈی (این این آئی)پاکستان کرکٹ ٹیم کے لیجنڈ کھلاڑی شعیب اختر نے دوسری شادی کے حوالے سے اپنے خیالات کا اظہار کرتے ہوئے کہاہے کہ ایسا انسان نہیں کہ دوسری شادی کے بارے میں سوچوں۔ ایک انٹرویومیں شعیب اختر نے کہا کہ اسلام میں ایک سے زائد شادیوں کی اجازت ہے لیکن ان کا خیال ہے کہ آدمی کو ایک شادی سے ہی جْڑے رہنا چاہیے۔

شعیب اختر نے کہا کہ ایک لڑکی آپ کیلئے اپنا گھر چھوڑ کر آتی ہے، تو شوہر کو چاہیے کہ وہ ہمیشہ اس کے ساتھ ایماندار رہے اور نرمی کے ساتھ پیش آنے کے ساتھ ساتھ اس کی دیکھ بھال بھی کرے۔سابق کرکٹر نے کہا کہ وہ ایسے انسان نہیں جو دوسری شادی کے بارے میں سوچیں۔ واضح رہے کہ شعیب اختر نے جون 2014 میں رباب خان نامی لڑکی سے شادی کی تھی اور اب سابق کرکٹر کے دو بیٹے بھی ہیں۔