راولپنڈی (این این آئی)عوامی مسلم لیگ کے سربراہ اور سابق وفاقی وزیر شیخ رشید نے کہا ہے کہ جمعیت علمائے اسلام (ف) کے سربراہ مولانا فضل الرحمٰن نیگزشتہ روز آئینی ترمیم کے مسودے کا پہلا راؤنڈ جیت لیا۔
جاری ویڈیو بیان میں ان کا کہنا تھا کہ جو کہتے تھے ووٹ کو عزت دو, انہوں نے ووٹ کو ٹکے کی ٹوکری بنا دیا۔سربراہ عوامی مسلم لیگ نے کہا کہ یہ 25 کروڑ عوام کو اعتماد میں کیا لیں گے، جمہوریت پر شب خون ہمیشہ رات کی تاریکی میں مارا گیا۔شیخ رشید احمد کا کہنا تھا کہ 30 ستمبر فیصلہ کن ہوگا۔
