لاہور ( این این آئی) انسداد دہشت گردی عدالت لاہور نے 9مئی سے متعلق تھانہ شادمان جلائو گھیرائو کے مقدمے میں رہنما پاکستان تحریک انصاف شاہ محمود قریشی کو اڈیالہ جیل سے طلب کر لیا۔ایڈمن جج خالد ارشد نے تفتیشی افسر کی استدعا پر شاہ محمود قریشی کو طلب کیا۔رہنما پی ٹی آئی کی جانب سے رانا مدثر ایڈووکیٹ عدالت میں پیش ہوئے،

ان کی جانب سے استدعا کی گئی کہ شاہ محمود قریشی کو ذاتی حیثیت میں طلب کیا جائے اور لاہور میں پیش کرنے کا حکم دیا جائے۔عدالت نے رانا مدثر ایڈووکیٹ کی استدعا کو منظور کر لیا اور شاہ محمود قریشی کو آئندہ سماعت پر پیش کرنے کے احکامات جاری کر دیئے ۔عدالت نے اڈیالہ جیل سپرنٹنڈنٹ کو نوٹس جاری کر دیا۔انسداد دہشت گردی عدالت نے شاہ محمود قریشی کو 8 جولائی کو پیش کرنے کا حکم دے دیا، ٹرائل کوٹ لکھپت جیل میں ہوگا۔