اسلام آباد (این این آئی)آئندہ مالی سال کے وفاقی بجٹ میں پیٹرولیم ڈویلپمنٹ لیوی کی شرح میں اضافہ کر دیا گیا ہے۔ جمعہ کو وفاقی وزیر خزانہ و محصولات سینیٹر محمد اورنگزیب نے اس حوالے سے مالیاتی بل 2024 میں تر میم پیش کی جس کی ایوان نے منظوری دی
اور بجٹ دستاویزات کے مطابق ہائی سپیڈ ڈیزل پر پٹرولیم ڈویلپمنٹ لیوی کی زیادہ سے زیادہ شرح 70 روپے، پٹرول پر 70 روپے، سپیئر کیروسین آئل پر 50 روپے، لائٹ ڈیزل آئل 50 روپے، ایچ او بی سی 70 روپے، ای ٹین گیسولین 50 روپے اور مقامی ایل پی جی پر 30 ہزار روپے مقرر کی گئی ہے۔
