پشاور(این این آئی)خیبرپختونخوا حکومت نے صوبے میں ہر قسم کی بھرتیوں پر عائد پابندی ختم کردی۔وزیراعلیٰ خیبرپختونخوا علی امین گنڈاپور کی ہدایت پر صوبے میں بھرتیوں پر عائد پابندی ختم کی گئی ہے اس حوالے سے وزیراعلی سیکرٹریٹ نے چیف سیکرٹری کو مراسلہ ارسال کردیا ہے۔مراسلے میں بتایا گیا کہ وزیراعلی نے بھرتیوں پر لگائی گئی پابندی ہٹانیکے احکامات جاری کیے ہیں۔خیال رہے کہ وزیراعلیٰ علی امین گنڈا پور نے 2 مارچ کو سرکاری محکموں میں بھرتیوں پر پابندی عائد کی تھی۔
