لاہور ( این این آئی)پنجاب میں حکومت اور گورننس کے نظام میںبہتری لانے کے لئے وزارتوں اور محکموں کی ری سٹرکچرنگ کا فیصلہ کیا گیاہے۔وزیر اعلی پنجاب مریم نواز شریف نے منظوری دے دی اور 14 رکنی خصوصی اعلی سطح کی کمیٹی قائم کر دی اور 60 دن میں سفارشات کی تیاری کا ٹاسک دے دیا ہے۔ری سٹرکچرنگ کمیٹی کی کنوینر سینئر وزیر پنجاب مریم اورنگزیب ہوں گی،
وزیر خزانہ مجتبیٰ شجاع الرحمن اور وزیر قانون صہیب احمد بھرت بھی کمیٹی کے رکن ہوںگے۔ خسارے کے شکار اداروں کی ڈائون سائزنگ کی جائے گی ۔ایک ہی طرح کے فرائض سرانجام دینے والے زائد اداروں کو ختم کردیا جائے گا – بتایا گیا کہ وزارتوں کا حجم کم کرکے سرکاری امور کی انجام دہی میں آسانی پیدا کی جائے گی۔ ری سٹرکچرنگ اور ڈائون سائزنگ سے اداروں کی کارکردگی اور عوامی خدمت کے عمل کو سادہ، آسان اور تیز بنایاجائے گا۔ری سٹرکچرنگ اور ڈائون سائزنگ سے اربوں روپے کی بچت ہوگی ۔حکومت کے سالانہ اخراجات میں بڑی کمی ہونے سے مالی گنجائش پیدا ہوگی۔
