مکہ مکرمہ(این این آئی)ملائیشیا کے وزیر برائے مذہبی امور داتو محمد نعیم بن مختار نے کہا ہے عازمین حج کی خدمات کے حوالے سے سعودی عرب کا کردار قابل تعریف ہے۔ اردو نیوز کے مطابق انہوں نے مکہ مکرمہ کے دورے کے دوران ملائیشیا کے عازمین حج کیلیے غیر معمولی خدمات اور تمام ضروری سہولیات فراہم کرنے پر حج ورکرز کا شکریہ ادا کیا۔
انہوں نے ملائیشین حج مشن کے ہیڈ کوارٹر کا دورہ کیا جہاں انہوں نے عازمین حج کیلیے بہترین تجربے کی ضمانت کیلیے دونوں ممالک کے درمیان جاری تعاون کی اہمیت پر زور دیا۔ انہوں نے عازمین حج کو غیر معمولی خدمات فراہم کرنے کیلیے مشارق الماسیہ کمپنی کی کوششوں کو بھی سراہا۔ یاد رہے کہ سعودی حکومت نے رواں سال ملائیشین عازمین حج کیلیے 31 ہزار 600 عازمین کا کوٹہ رکھا ہے۔
