اسلام آباد (این این آئی)وفاقی حکومت نے اہم معاشی اہداف کے تعین کے لیے 5 سالہ 2024 تا 2029 پلان تیار کرلیا جسے منظوری کیلئے کل پیر کوقومی اقتصادی کونسل میں کیا جائیگا۔میڈیا رپورٹ کے مطابق یہ 5 سالہ پلان طویل بنیادوں پر معاشی منصوبہ بندی کے لیے تیار کیا گیا ہے، وفاقی حکومت نے آئندہ مالی سال کے بجٹ میں اس پلان کو منظور کرانیکا فیصلہ کیا ہے۔
پلان کی منظوری وزیر اعظم کی زیر صدارت قومی اقتصادی کونسل کے کل ہونے والے اجلاس کے ایجنڈے میں شامل ہے۔حکومتی ذرائع نے بتایا کہ 5 سالہ پلان کے تحت اہم معاشی اہداف کا تعین کیاجائے گا، میکرواکنامک فریم ورک، توانائی، توازن ادائیگی، ترقیاتی بجٹ، خوراک و زراعت، آبادی، غربت اور گورننس اصلاحات پلان کا حصہ ہے۔
