اسلام آباد(این این آئی) پی آئی اے کے 313پائلٹس کو ماہانہ 43کروڑ روپے تنخواہ اور مراعات کی مد میں دیئے جانے کا انکشاف ہوا ہے۔تفصیلات کے مطابق پی آئی اے پائلٹس کو ملنے والی تنخواہ اور مراعات کی تفصیلات قومی اسمبلی میں پیش کر دی گئیں۔
دستاویز کے مطابق پی آئی اے پائلٹس کی تعداد 313 ہے جس میں 262 پائلٹس مستقل اور 51کنٹریکٹ پر ہیں۔مستقل پائلٹس کو ماہانہ تنخواہ 1لاکھ 3ہزار روپے جبکہ مراعات اور الائونسز کی مد میں ساڑھے 12لاکھ روپے ادا کیے جا رہے ہیں۔ اسی طرح، کنٹریکٹ پائلٹس 1لاکھ 14ہزار تنخواہ جبکہ 14لاکھ مراعات اور الائونسز کی مد میں وصول کر رہے ہیں۔پائلٹس کو ہر سال 45رعایتی فضائی ٹکٹس اور انٹر لائن ٹکٹ بھی دیئے جاتے ہیں۔
