لاہور( این این آئی )صوبائی وزیر خوراک بلال یاسین نے کہا ہے کہ وزیراعلی پنجاب نے عوام سے معیاری اور سستی روٹی کی فراہمی کا وعدہ سچ کر دکھایا، یہ کسی بھی حکومت کا پہلے 100روز میں 13کروڑ عوام کو براہ راست تاریخی ریلیف ہے، وزیراعلی مریم نواز کی قیادت میں اشیائے خورونوش کی قیمتوں میں نمایاں کمی پر پنجاب ہر حوالے سے بازی لے گیا۔
اپنے بیان میں وزیر خوراک بلال یاسین نے کہا کہ آٹا، میدہ، روٹی، نان اور سوجی کی قیمتوں میں پہلے 100روز میں 48فیصد تک کمی ہوئی، سستے اور معیاری آٹے کی دستیابی سے عام آدمی کا خوراک کا مسئلہ حل ہوا، روٹی، نان، ڈبل روٹی، رسک، بن اور دیگر بیکری مصنوعات پر تاریخی ریلیف دیا گیا،
خصوصی کاوش سے چکن کی قیمتوں میں 350سے 400روپے تک فی کلو کمی کروائی۔ انہوں نے کہا کہ قیمتوں میں کمی اور کوالٹی برقرار رکھنے کیلئے فوڈ اتھارٹی اور ضلعی انتظامیہ فیلڈ میں ہیں، محکمہ خوراک نے 1160فلور ملز کی چیکنگ، غیر معیاری انتظامات پر بھاری جرمانے، لائسنس معطل کیے، فلور ملز اور چکیوں پر آٹے کا معیار چیک کرنے کیلئے محکمہ خوراک کے افسران مسلسل فیلڈ میں ہیں، پہلے 100دنوں میں پیس سیٹ ہو گئی، عوامی ریلیف کا سفر جاری رہے گا۔
