کراچی (این این آئی)کراچی ائیرپورٹ کا رن وے نمبر 25 ایل سات روز کے لیے جزوی طور پر بند رہے گا۔ ائیرپورٹ کے رن وے 25 ایل پر طیاروں کے ٹائروں کے ربڑ کے زرات ہٹانے کا کام ہوگا،رن وے سے ربڑ ہٹانے کا کام یکم جون سے لے کر 7 جون تک ہوگا۔
سی اے اے حکام کے مطابق رن وے نمبر 25 L کی بندش کے دوران متبادل رن وے 25 R پر فلائٹ آپریشن جاری رکھا جائے گا۔سی اے اے حکام کے مطابق رن وے سے ٹائروں کے ربڑ کے ذرات روزانہ مختلف اوقات میں دو دو گھنٹے کے دوران کام ہوگا۔ اس دوران طیاروں کی لینڈنگ متبادل رن وے پر جاری رہے گی۔ سی اے اے نے نوٹم جاری کر کے تمام ائیرلائنز کو آگاہی دے دی ہے۔
