اسلام آباد(این این آئی)یکم اپریل سے اب تک 18ہزار سے زائد تاجر فائلرز بن چکے ہیں۔ایف بی آر کی جانب سے جاری رپورٹ کے مطابق یکم اپریل 2024سے اب تک 18ہزار 381تاجر فائلرز بنے، تاجر دوست ایپ کے ذریعے 14ہزار 472افراد فائلرز بنائے گئے۔
ایف بی آر رپورٹ کے مطابق تاجر دوست ایپ کے علاوہ 3899تاجر فائلر بنے، کراچی میں 5303تاجروں نے فائلرز بننے کے لیے رجسٹریشن کرائی۔ یکم اپریل سے 25مئی تک لاہور میں 5112تاجر فائلرز بنے، اس دوران اسلام آباد میں 1567 تاجروں نے فائلرز بننے کے لیے رجسٹریشن کروائی۔
