کراچی(این این آئی)قومی ایئر لائن پی آئی اے نے برطانیہ کے لیے ہفتہ وار 22 پروازیں آپریٹ کرنے کی تیاری کر لی۔ذرائع کے مطابق فلائٹ آپریشن اجازت سے قبل تیاریاں شروع کر دی گئی ہیں۔لندن، مانچسٹر اور برمنگھم ایئر پورٹ پر ان فلائٹ کیٹرنگ سروسز کے لیے پیشکش طلب ہے۔
پی آئی اے نے مانچسٹر ایئر پورٹ پر 6500 میل پیک کی سروس کے لیے ٹینڈر جاری کیا ہے، مانچسٹر ایئر پورٹ پر ہفتہ وار 9 پروازوں کے لیے ٹینڈر جاری کیا گیا۔ذرائع نے بتایا کہ لندن ایئر پورٹ پر ہفتہ وار 10 پروازوں کے لیے بین الاقوامی کمپنیوں سے درخواست طلب کی گئی ہے جبکہ پی آئی اے نے برمنگھم اسٹیشن کے لیے بھی فوڈ سروس کی خدمات کے لیے ٹینڈر جاری کیا ہے۔اس حوالے سے ترجمان پی آئی اے نے کہاکہ برطانیہ میں رجسٹر کمپنیوں سے 27 جون 2024 تک درخواستیں طلب کی گئی ہیں، یورپ اور برطانیہ کے لیے پروازوں کی اجازت ملنے کے لیے پرامید ہیں۔
