کراچی(این این آئی)پاکستان میڈیکل ایسوسی ایشن کے سابق جنرل سیکریٹری ڈاکٹر قیصر سجاد نے ملک کے طبی شعبے کے معیار کو کمزور قرار دے دیا ہے۔خصوصی گفتگو کرتے ہوئے پاکستان میڈیکل ایسوسی ایشن کے سابق جنرل سیکریٹری ڈاکٹر قیصر سجاد نے کہا کہ پاکستان کا میڈیکل اسٹینڈرڈ دن بہ دن کمزور ہوتا جا رہا ہے۔
یہ واحد ملک ہے جہاں کوئی پوچھ گچھ یا انکوائری نہیں ہوتی۔انہوں نے کہا کہ پاکستان میں ایڈمیشن کا سسٹم ہوتا ہے اور میرٹ پر امتحان پاس کرنے والے طلبہ کا ایڈمیشن ہو جاتا ہے۔انہوں نے سوال اٹھایا کہ آخر طلبہ باہر جاتے کیوں ہیں؟ بیرون ملک سے جب طلبہ ڈگری لے کر آتے ہیں تو کسی کو معلوم نہیں ہوتا کہ وہ کس چیز کا ڈاکٹر ہے۔دوسرے ممالک کا مفاد صرف پیسے سے ہے۔
