گلگت بلتستان (این این آئی)گلگت بلتستان میں درجہ حرارت بڑھنے کے باعث رواں ہفتے گلیشیر پگلنے سے سیلاب کا خطرہ بڑھ گیا ہے۔تفصیلات کے مطابقگلگت بلتستان میں درجہ حرارت بڑھنے کے باعث رواں ہفتے گلیشیر پگلنے سے سیلاب کا خطرہ بڑھ گیا ہے،اس حوالے سے محکمہ موسمیات نے مقامی حکام کو متنبہ کیا کہ گلگت بلتستان اور خیبر پختونخواہ میں 23 سے27مئی کے درمیان دن کے وقت درجہ حرارت چار سے 6ڈگری سینٹی گریڈ رہنے کی توقع ہے،
جو معمول سے زیادہ ہے۔محکمہ موسمیات نے خطے میں رواں ہفتے ممکنہ گلیشیل لیک آئوٹ برسٹ فلڈ کے واقعات اور سیلاب سے خبردار کیا ہے۔گلوف اور فلڈ سیلاب سے گلگت بلتستان اور خیبر پختونخوا کے ضلع چترال کے برف سے ڈھکے ہوئے اور برفانی علاقے متاثر ہونے کا امکان ہے۔مقامی حکام نے گلیشیرز کے قریب رہنے والے لوگوں کو خبر دار کیا ہے کہ وہ احتیاطی تدابیر اختیار کریں، سیاحوں کو بھی بارش کے دوران محتاط رہنے کا مشورہ دیا گیا ہے۔
