ممبئی (این این آئی)بالی ووڈ کے اداکار اکشے کمار اور ٹوئنکل کھنہ کے بیٹے 21 سالہ آروو کو اداکار بننے میں کوئی دلچسپی نہیں۔ اکشے اور ٹوئنکل کی پہلی اولاد بیٹا آروو 2002 میں پیدا ہوا جس کے بعد 2012 میں ان کی بیٹی نیتارا پیدا ہوئی۔بھارتی کرکٹر شیکھر دھون کے نئے ٹاک شو میں گزشتہ روز گفتگو کے دوران اکشے کمار نے کہا، باوجود اسکے کہ ہمارا بیٹا مراعات یافتہ پس منظر کا حامل ہے لیکن اس نے نہایت ساہ زندگی کا انتخاب کیا ہے۔
اکشے کمار کا اپنے بیٹے آروو کے بارے میں مزید کہنا تھا کہ وہ نہایت ہی سادہ طبیعت کے مالک ہیں اور سیکنڈ ہینڈ کپڑے پہنتے ہیں۔انھوں کہا کہ اسٹار کڈ ہونے کے باوجود بیٹا اداکار بننے کی خواہش نہیں رکھتا، وہ فیشن کے کیرئیر کو اپنانا چاہتا ہے۔ اکشے نے کہا پندرہ برس کی عمر میں آروو نے گھر چھوڑا کیونکہ وہ پڑھنے لکھنے کا شائق اور تنہا رہنا چاہتا ہے، انھوں نے بتایا کہ آروو ان دنوں لندن کی یونیورسٹی میں زیر تعلیم ہے۔اکشے کمار کے مطابق میں اور میری اہلیہ نے آروو کی پرورش سادہ انسان کے انداز میں کی اور اس پر میں بہت خوش ہوں۔ جبکہ بیٹی نیتارا کو اچھے پہننے اوڑھنے کا شوق ہے۔
