اسلام آباد(این این آئی)پاکستان کرکٹ ٹیم کے فاسٹ بولر شاہین شاہ آفریدی نے کہا ہے کہ میچ کافی اچھا رہا تاہم بہتری کی گنجائش ہمیشہ رہتی ہے، کوشش کروں گا کہ اپنی کارکردگی کو مزید بہتر کروں۔ شاہین آفریدی نے میڈیا سے گفتگو کرتے ہوئے کہا کہ اچھی بات یہ ہے کہ جب ضرورت ہوتی ہے تب پرفارمنس ہوجاتی ہے۔

انہوں نے کہا کہ پاکستان کو زیادہ سے زیادہ میچز جتوانے کی کوشش کرتا ہوں، جب آپ پارٹنرشپ سے بولنگ کرتے ہیں تو اور اچھی بولنگ ہوتی ہے۔شاہین آفریدی نے کہا کہ آخری دو میچز میں پاکستان کی بیٹنگ سے کافی مزہ آیا، آج کل کرکٹ میں زیادہ اٹیک کرکے ہی حریف پر دباو ڈال سکتے ہیں۔انہوںنے کہا کہ انگلینڈ سے قبل یہ سیریز کافی اچھی تھی۔شاہین نے کہا کہ کوشش ہوتی ہے جب گیند ہاتھ میں ہو تو اپنا بہترین کھیل دوں، جہاں بھی ہم کھیلتے ہیں، سپورٹرز موجود ہوتے ہیں جس سے حوصلہ بڑھتا ہے۔فاسٹ بولر نے کہا کہ ٹیم کو جتنی زیادہ سپورٹ ملے گی، ٹیم کی پرفارمنس اتنی بہتر ہوگی۔