کراچی (این این آئی)ملک میں ایک ہفتے میں مہنگائی 1.39فیصد کم ہوگئی،سالانہ بنیادوں پر ہفتہ وار مہنگائی کی شرح 22.32 فیصد پر آگئی۔ادارہ شماریات نے مہنگائی کی ہفتہ وار رپورٹ جاری کردی جس کے مطابق ایک ہفتے میں 12 اشیا کی قیمتوں میں اضافہ ہوا۔ٹماٹر 13 روپے 83 پیسے ،آلو 3 روپے 68 پیسیفی کلو مہنگے ہوگئے،
ایک ہفتے میں انڈے 11 روپے 16 پیسے فی درجن مہنگے ہوئے۔حالیہ ہفتے دال چنا 2 روپے 32 پیسے ،بیف 5 روپے 87 پیسے فی کلو مہنگا ہوا،ایک ہفتے میں اڑھائی کلو گھی کا ٹن 5 روپے 72 پیسے مہنگا ہوگیا۔مٹن، دال ماش دال مونگ بھی مہنگی ہوئی۔ہفتہ وار بنیادوں پر 13 اشیا سستی ہوئیں،پیاز 30 روپے 13 پیسے ،برائلرمرغی 79 روپے فی کلو سستی ہوئی،ایک ہفتے میں 20 کلو آٹے کا تھیلا 82 روپے 41 پیسے سستا ہوا۔کیلے 3 روپے 48 پیسے فی درجن، لہسن 8 روپے 73 پیسے فی کلو سستا ہوا،حالیہ ہفتے چینی چاول گڑ دال مسور بھی سستی ہوئی ۔ادارہ شماریات کے مطابق اہک ہفتے میں 26 اشیا کی قیمتوں میں استحکام رہا۔
