ٹھٹھہ(این این آئی)جمعیت علما اسلام ( ف )کے سربراہ مولانا فضل الرحمان نے کہا ہے کہ پاکستان تحریک انصاف سے بامقصد مذاکرات کا ماحول بنتا ہے تو خوش آمدید کہیں گے۔مولانا فضل الرحمان نے میڈیا سے گفتگو کرتے ہوئے کہا کہ ابھی تک حکومت کے خلاف گرینڈ الائنس کی کوئی تجویز سامنے نہیں آئی،

ہم 9 مئی کو پشاور میں ملین مارچ کرنے جا رہے ہیں۔انہوں نے کہا کہ بانی پی ٹی آئی کی گرفتاری کا ایک پہلو قانونی جبکہ دوسرا پہلو سیاسی بھی ہے۔ انہوںنے کہاکہ ہماری پی ٹی آئی کے وفود کے ساتھ ملاقاتیں ہوئی ہیں،بامقصد مذاکرات کا کوئی ماحول بنا تو انہیں خوش آمدید کہیں گے۔مولانا فضل الرحمان نے کہا کہ ملک میں عوامی نمائندگی دکھائی نہیں دے رہی۔ ہم چاہتے ہیں ملک میں حقیقی نظام قائم ہو۔