لاہور ( این این آئی) وزیراعلیٰ پنجاب مریم نواز فری وائی فائی سروس کو 50سے بڑھا کر 100پوائنٹس پر ایکٹو کر دیا گیا۔مریم نواز شریف کی ہدایت پر سیف سٹی سینٹر نے شہر لاہور میں وائی فائی سروس فری کر دی،ایمرجنسی کی صورت میں شہریوں کی سہولت کیلئے فری وائی فائی فراہم کر رہے ہیں۔شہری کسی بھی ایمرجنسی میں CM Maryam Nawaz Free Wi-Fi کے ذریعے پولیس اور اپنے پیاروں سے رابطہ کر سکتے ہیں۔
شہری فری وائے فائی سروس سے ویمن سیفٹی ایپ، پنجاب پولیس ایپ و واٹس ایپ استعمال کر سکتے ہیں۔شہر بھر میں نصب ہر فری وائے فائی ڈیوائس کی رینج 300 فٹ کے ریڈیس تک ہے۔ترجمان سیف سٹیز کے مطابق وزیراعلی مریم نوازفری وائے فائی سروس صرف ایمرجنسی میں استعمال کے لئے ہے، وائے فائی کے ذریعے مختلف ایپلی کیشن کو ڈائون لوڈ بھی کیا جا سکتا ہے، وائے فائی کو ٹیکسی رائیڈ بک کرانے کے لئے بھی استعمال کیا جاسکتا ہے ، وائے فائی ایمرجنسی سروس ویڈیو سٹریمنگ یا انٹرٹینمنٹ کیلئے نہیں ہے،فری وائے فائی سروس فیس بک، یوٹیوب، ٹک ٹاک و دیگر انٹرٹینمنٹ ایپس کے لئے بھی نہیں ہے۔
