اسلام آباد(این این آئی)وفاقی حکومت نے آئی ایم ایف مشن کی آمد سے قبل رواں ماہ کے وسط تک بجٹ اہداف پر کام مکمل کرنے کا فیصلہ کر لیا،نیا قرض پروگرام سائن کرنے کیلئے وزارت خزانہ کی متعلقہ وزارتوں کو اہداف مکمل کرنے کی ہدایت کی ہے ۔ترجمان کے مطابق آئی ایم ایف مشن کی آمد سے قبل رواں ماہ کے وسط تک بجٹ اہداف پر کام مکمل کرنے کا فیصلہ کرلیا گیا۔
ذرائع کے مطابق نیا قرض پروگرام سائن کرنے کیلئے وزارت خزانہ نے متعلقہ وزارتوں کو اہداف مکمل کرنے کی ہدایت کی ہے ، تمام اہم اہداف کا ڈھانچہ تیار کر کے آئی ایم ایف کیساتھ شیئر کیا جائے گا۔ترجمان کے مطابق آئی ایم ایف مشن کی آمد سے قبل بجٹ اسٹریٹجی پیپر بھی کابینہ سے منظور کرا لیا جائیگا، ڈیٹ سروسنگ، ڈیفنس، ایف بی آر ٹارگٹ، اخراجات کے تخمینہ کے اہم اہداف بھی فائنل کیے جائیں گے۔
ذرائع نے بتایا کہ وزیراعظم آفس کی جانب سے بھی معاشی ٹیم کو بجٹ ورکنگ مکمل کرنے کا ٹارگٹ سونپ دیا گیا ہے، آئی ایم ایف مشن اہم اہداف کیلئے تجاویز سے وزارت خزانہ حکام کو آگاہ کریگا۔ذرائع وزارت خزانہ کے مطابق آئی ایم ایف وفد مئی کے وسط میں پاکستان آئیگا،آئی ایم ایف کے ساتھ نئے قرض پروگرام کیلئے اصلاحاتی ایجنڈے پر بات چیت ہوگی،آئی ای ایم مشن کے ساتھ نئے قرض پروگرام کے علاوہ بجٹ پر بھی کام ہوگا۔
