اسلام آباد (این این آئی)وزارت مذہبی امور نے حج آپریشن کے انتظامات کو حتمی شکل دیدی،حج فلائٹ آپریشن نو مئی سے ملک بھر میں شروع ہوگا، ملک بھر کے آٹھ ائیرپورٹس پر حج آپریشن ہوگا۔ سرکاری حج سکیم کے تحت 69 ہزار 5 سو عازمین حج حجاز مقدس جائیں گے۔تفصیلات کے مطابق حج 2024 کے تمام انتظامات مکمل کرلئے گئے ہیں،

وزارت مذہبی امور نے حج آپریشن کے انتظامات کو حتمی شکل دیدی ہے حج فلائیٹ آپریشن 9 مئی سے ملک بھر میں شروع ہوگا جو 9 جون تک بغیر کسی تعطل کے جاری رہے گا۔ اسلام آباد،لاہور،کراچی،ملتان ائیرپورٹس کے علاوہ سکھر،سیالکوٹ رحیم یار خان ائیر پورٹس پر آپریشن ہوگا۔پشاور کے عازمین اسلام آبادائیرپورٹ سے سعودی عرب جائیں گے۔

وزارت مذہبی امور کے مطابق فیصل آباد کے عازمین لاہور ائیرپورٹ سے سعودی عرب جائیں گے،کراچی ائیرپورٹ پر پہلی بار روڈ ٹو مکہ سروس شروع ہوگی ،اسلام آباد ائیرپورٹ پر روڈ ٹو مکہ سروس شروع ہوگی روڈ ٹو مکہ پراجیکٹ کے تحت جانے والے عازمین کی امیگریشن پاکستان میں ہوگی۔چار ائیرلائنز حج فلائٹ آپریشن میں حصہ لیں گی سعودی ائیر لائین،پی آئی اے،سیرین،ائیربلیو حج فلائیٹ آپریشنز میں شامل ہیں عازمین حج کی ویکسینشن کا عمل 30 اپریل سے 10 حاجی کیمپس پر شروع ہوگی۔