لاہور( این این آئی) وزیراعلی پنجاب مریم نواز شریف دورہ سعودی عرب کے دوران وزیراعظم شہباز شریف کے ہمراہ مسجد نبویؐ پہنچ گئیں۔مریم نواز شریف نے روضہ رسول صلی اللہ علیہ وآلہ وسلم پر حاضری دی ، وزیراعلی مریم نوازشریف نے نوافل ادا کیے اور روضہ رسولؐ پرحاضری کے دوران درود و سلام پیش کیا۔ انہوں نے ملک و قوم کی ترقی اورعوام کی خوشحالی کیلئے دعائیں کی ۔وزیراعلیٰ مریم نوازشریف نے امت مسلمہ خاص طورپر مقبوضہ جموں و کشمیر اورفلسطین ،غزہ کے مظلوم مسلمانوں کے حق میں بھی خصوصی دعا کی۔
