ممبئی (این این آئی)بالی ووڈ اداکارہ کرینہ کپور، تبو اور کریتی سین کی فلم ’کریو‘ باکس آفس پر آہستہ آہستہ پیسے کمانے میں مصروف ہے۔بھارتی میڈیا کے مطابق اس فلم کے ڈائریکٹر راجیش اے کرشنن ہیں اور یہ فلم 29 مارچ کو ریلیز ہوئی تھی۔

بھارتی میڈیا کے مطابق فلم نے پہلے دن جمعے کو بھارت میں 10 کروڑ 28 لاکھ بھارتی روپے کا بزنس کیا تھا جبکہ دوسرے دن فلم 9.6 کروڑ روپے کما سکی تھی۔بھارتی میڈیا کے مطابق فلم کے بزنس میں پیر سے کمی کا سلسلہ شروع ہوا جو دوبارہ بڑھنے کی طرف نہ آ سکا اور فلم نے مجموعی طور پر 6 دنوں میں 40 کروڑ 70 لاکھ بھارت روپے کما لیے ہیں۔فلم ’کریو‘ کی کہانی 3 سہیلیوں کے گرد گھومتی ہے جو کوہ نور نامی ایئر لائنز کے لیے کیبن کریو ممبرز کے طور پر کام کرتی ہیں۔