لاہور( این این آئی) انسداد دہشتگردی کی خصوصی عدالت نے جناح ہائوس حملہ اور جلا ئوگھیرائو کے کیسز سے متعلق ریکارڈ پیش نہ کرنے پر پراسیکیوشن کی سرزنش کر دی۔انسداد دہشتگردی کی خصوصی عدالت میں جناح ہائوس حملہ اور جلا ئوگھیرا ئوکیس میں نامزد ملزمان سوشل میڈیا ایکٹیوسٹ عائشہ علی بھٹہ اور احمر رشید بھٹی سمیت دیگر ملزمان کی ضمانت کی درخواستوں پر سماعت ہوئی۔

عائشہ علی بھٹہ کی جانب سے رانا انتظار ایڈووکیٹ پیش ہوئے۔عدالت نے ریکارڈ پیش نہ ہونے پر پراسیکیوشن کی سرزنش کی۔فاضل جج نے ریمارکس میں کہا کہ دو دن دے رہا ہوں اگر ریکارڈ پیش نہ کیا تو ضمانتوں پر فیصلہ کر دوں گا۔بعدازاں عدالت نے جناح ہائوس حملہ اور جلا ئوگھیرائو کے کیسز میں نامزد ملزمان عائشہ بھٹہ اور احمر رشید بھٹی سمیت دیگر کی ضمانتوں کی درخواستوں پر سماعت 27 مارچ تک ملتوی کر دی۔