اسلام آباد (این این آئی)ڈپٹی کمشنر اسلام آباد نے تحریکِ انصاف کو 30 مارچ کو جلسے کی اجازت دینے سے انکار کر دیا۔جلسے کی درخواست پی ٹی آئی کے ریجنل صدر عامر مسعود مغل نے دی تھی اور اسلام آباد ہائی کورٹ نے ڈی سی اسلام آباد کو 2 دن میں فیصلہ کرنے کا حکم دیا تھا۔
ڈپٹی کمشنر اسلام آباد نے امن و امان کی صورتِ حال کو جواز بنا کر اجازت نہیں دی جس کے بعد پی ٹی آئی کے رہنما عامر مسعود مغل نے دوبارہ اسلام آباد ہائی کورٹ سے رجوع کرنے کا اعلان کیا ہے۔عامر مغل کے مطابق دارالحکومت میں بھی جلسے کو سیکیورٹی نہیں دے سکتے تو حکومت میں رہنے کا جواز نہیں۔
