راولپنڈی (این این آئی) اے ٹی سی راولپنڈی نے وزیر اعلی خیبر پختونخوا علی امین گنڈاپور کے ناقابل ضمانت وارنٹ گرفتاری جاری کردیئے ۔
تفصیلات کے مطابق اے ٹی سی راولپنڈی کے جج ملک اعجاز آصف نے پی ٹی آئی رہنمائوں کیخلاف9 مئی واقعات بارے درج مقدمات کی سماعت کی۔عدالت نے وزیراعلی خیبرپختونخوا علی امین گنڈا پور ،مراد سعید، شیریں مزاری، شہباز گل اور شبلی فراز کے ناقابل ضمانت وارنٹ گرفتاری جاری کردیئے۔عدالت نے 2اپریل کو علی امین گنڈا پور کو پیش کرنے کا حکم بھی دے دیا۔
