اسلام آباد (این این آئی)الیکشن کمیشن نے قومی و صوبائی اسمبلیوں کی 23 نشستوں پر 21 اپریل کو ضمنی انتخابات کرانے کا اعلان کر دیا۔الیکشن کمیشن کی جانب سے جاری کیے گئے شیڈول کے مطابق قومی اسمبلی کی 6، پنجاب اسمبلی کی 12، خیبرپختونخوا اور بلوچستان اسمبلی کی 2، 2 جبکہ سندھ اسمبلی کی ایک نشست پر ضمنی انتخاب ہوگا۔شیڈول کے مطابق ضمنی انتخابات کے لیے کاغذات نامزدگی16 سے 18 مارچ تک جمع کرائے جاسکیں گے، کاغذات نامزدگی کی جانچ پڑتال 21 مارچ کو ہوگی۔
کاغذات نامزدگی کے خلاف اپیلیں 25 مارچ تک جمع کرائی جاسکیں گی، الیکشن شیڈول کے مطابق الیکشن ٹریبونل 28 مارچ تک اپیلیں نمٹائیں گے۔شیڈول میں بتایا گیا کہ کاغذات نامزدگی 29 مارچ تک واپس لیے جاسکیں گے، حتمی امیدواروں کی فہرست 29 مارچ کو آویزاں کی جائے گی، انتخابی نشانات 30 مارچ کو الاٹ کیے جائیں گے جبکہ پولنگ 21 اپریل کو ہوگی۔
قومی اسمبلی کے جن حلقوں پر انتخابات ہوں گے ان میں حلقہ این اے -8 ، باجوڑ،حلقہ این اے 44، ڈیرہ اسمٰعیل خان،حلقہ این اے 119، لاہور،حلقہ این اے 132، قصور،حلقہ این اے 196، قمبر شہدادکوٹ،حلقہ این اے 207، شہید بے نظیر آباد،پنجاب اسمبلی کے پی پی 22، چکوال کم تلہ گنگ،پی پی 32، گجرات،پی پی 36، وزیرآباد،پی پی 54، نارروال،پی پی 93، بھکر،پی پی 139، شیخوپورہ،پی پی 147، لاہور،پی پی 149، لاہور،پی پی 158، لاہور،پی پی 164، لاہور،پی پی 266، رحیم یار خان،پی پی 290، ڈی جی خان،خیبرپختونخوا اسمبلی کے حلقہ پی کے 22، باجوڑ،حلقہ پی کے 91، کوہاٹ،بلوچستان اسمبلی کے حلقہ پی بی 20، خضدار،حلقہ پی بی 22، لسبیلہ جبکہ سندھ اسمبلی کا حلقہ پی ایس 80، دادو شامل ہے ۔
