پشاور (این این آئی)پاکستان تحریکِ انصاف کے سینیٹر فیصل جاوید نے کہا ہے کہ یہاں کا موسم بدلنے والا ہے، جلد کپتان آنے والا ہے۔ یہ بات پشاور میں سینیٹر فیصل جاوید نے احتجاجی جلسے سے خطاب کرتے ہوئے کہی۔

انہوں نے کہاکہ بانی پی ٹی آئی نے قوم کو اور قوم نے بانی پی ٹی آئی کو مایوس نہیں کیا، پی ٹی آئی نے کے پی میں ہیٹرک کی۔فیصل جاویدنے کہا کہ زندگی کا پہلا جلسہ ہے جس میں بانی پی ٹی آئی کے بغیر ہوں۔انہوں نے کہا کہ تمام پی ٹی آئی لیڈرز کو رہا کریں، عوامی مینڈیٹ کو بحال کیا جائے، قوم نے فارم 47 کی حکومت کو مسترد کر دیا۔