لاہور ( این این آئی) پنجاب کابینہ کے پہلے مرحلے میں 15وزراء حلف لیں گے، ابتدائی لسٹ فائنل ہوگئی۔ذرائع کے مطابق پنجاب کابینہ کے پہلے مرحلے کے وزرا جلد حلف اٹھائیں گے جن کی تعداد 15 ہوگی۔صوبائی کابینہ میں مریم اورنگزیب کو پلاننگ اینڈ ڈویلپمنٹ اور جنگلات کی وزارتیں ملنے کا امکان ہے۔عظمیٰ بخاری کو صوبائی وزیر اطلاعات اور خواجہ عمران نذیر پرائمری اینڈ ہیلتھ کے وزیر ہوں گے۔

بلال یاسین خوراک اور مجتبیٰ شجاع ایکسائز کے وزیر ہوں گے۔مریم نواز کی اتبدائی کابینہ میں خالد ججا محکمہ انہار اور فیصل ایوب ہائوسنگ اور اسپورٹس کے وزیر ہوں گے۔سلمان نعیم اور رانا اسکندر حیات بھی 15رکنی کابینہ میں وزیر ہوں گے ۔ذرائع کے مطابق رانا ثناء اللہ کو مشیر قانون پنجاب بنائے جانے کا امکان ہے جبکہ سابق وزیر داخلہ کو وفاق میں لے جانے کی تجویز بھی زیر غور ہے۔مریم نواز کی کابینہ میں پرویز رشید کو معاون خصوصی جبکہ چودھری شجاعت حسین کے صاحبزادے شافع حسین کو وزیر بنایا جائے گا۔