اسلام آباد(این این آئی)پاکستان مسلم لیگ (ن)کے رہنما رانا ثناء اللہ نے کہا ہے کہ دھاندلی کی تحقیقات کیلئے خودمختار کمیشن بنانے کو تیار ہیں۔انٹرویو رانا ثناء اللہ نے کہا کہ (ن)لیگ نے 2013 میں سپریم کورٹ کے ججز پر مشتمل کمیشن بنایا جس نے ان کے دھاندلی کے دعوں کو جھوٹا ثابت کیا۔
انہوں نے کہا کہ2018 میں پی ٹی آئی نے پارلیمانی کمیشن کی تجویز دی تھی، ان ہی کی تجویز کے مطابق اب پارلیمانی کمیشن بنایا جائے جو دھاندلی کے تمام الزامات کی مکمل تحقیقات کرے تاکہ دودھ کا دودھ اور پانی کا پانی ہو جائے۔ رانا ثناء اللہ نے کہاکہ (ن)لیگ کو جوڈیشل کمیشن بنانے پر بھی کوئی اعتراض نہیں۔
